Նոր կանոն, որը սահմանափակում է ներգաղթյալների իրավունքը ԱՄՆ ապաստան ստանալու համար
Ջո Բայդենի վարչակազմի պաշտոնյաներն այսօր հրապարակել են նոր կանոն, որը կսահմանափակի ներգաղթյալների՝ ԱՄՆ-ում ապաստան ստանալու իրավունքը: Եթե ներգաղթյալը Մեքսիկա է մտել երրորդ երկրի միջոցով, նա իրավունք չունի քաղաքական ապաստան խնդրել հարավային սահմանին, հայտնում է CNN-ը։ Ինչպես նշում են լրագրողները, նոր կանոնը գրված է 153 էջի վրա։ Բայդենի վարչակազմը հայտնել է, որ ծրագիրը կտարածվի բոլոր ներգաղթյալների վրա։ Այսինքն՝ ԱՄՆ իշխանությունները կարծում են, որ եթե մարդը գտնվել է երրորդ երկրում, ուրեմն հենց այնտեղ էլ պետք է քաղաքական ապաստան խնդրեր։ Բացառություններ կգործեն միայն այն երեխաների վրա, ովքեր փորձում են սահմանը հատել առանց ծնողների։ Ակնկալվում է, որ նոր կանոնը կհրապարակվի Դաշնային ռեգիստրում, որտեղ այն կքննարկվի հանրային լսումների ժամանակ մեկ ամսվա ընթացքում: Այս կանոնը հավանաբար ուժի մեջ կմտնի այն բանից հետո, երբ Բայդենը չեղարկի Title 42 ծրագիրը: Դա մայիսի 11-ն է։ Ակնկալվում է, որ նոր կանոնը կգործի երկու տարի:
Շատ իրավապաշտպաններ Բայդենի նախաձեռնությունն անընդունելի են համարում և նախագահի բարեփոխումը կապում են Դոնալդ Թրամփի չմտածված քաղաքականության հետ։
Հեղինակ՝ Դենիս Չերեդով
