ԱՄՆ-ում օգտագործված մեքենաների գները բարձրանում են
Ըստ Manheim Used Vehicle Value Index-ի՝ ԱՄՆ օգտագործված մեքենաների գներն ամսվա կտրվածքով (2023 թվականի հունվար-փետրվար) աճել են 3,7%-ով, ինչը ամենամեծ ամսական թռիչքն է 2009 թվականի փետրվարից ի վեր, երբ գներն աճել են 4,4%-ով։ Մանհեյմը նշել է, որ գների աճն անսովոր է տարվա այս եղանակի համար։ Ավտոմոբիլային շուկայում նման փոփոխություններ, որպես կանոն, լինում են գարնանը։
Փորձագետները հավելում են, որ համաճարակը, դրան հաջորդող գլոբալ մասերի պակասը և Ուկրաինայում պատերազմը մատակարարման շղթաները քաոսի մեջ են գցել՝ հանգեցնելով նոր մեքենաների պաշարների կտրուկ անկմանը: S&P Global Mobility-ի տվյալները ցույց են տալիս, որ ավտոմեքենաների և բեռնատարների միջին տարիքը ԱՄՆ ճանապարհներին 2022 թվականին հասել է 12,2 տարվա, ինչը ռեկորդային է:
Աղբյուր՝ Telegram ալիք «US NEWS | ԱՄԵՐԻԿԱ»
