Աշխարհահռչակ The New York Times հրատարակության աշխատակիցները պատրաստվում են այսօր կեսգիշերին գործադուլ անել։
Ըստ ակցիայի նախաձեռնողների՝ գործադուլին կմասնակցի 1100 աշխատակից, որոնց մեծ մասը լրագրողներ են։ Բողոքի ակցիան պետք է տեւի 24 ժամ։ Բանն այն է, որ The New York Times-ի աշխատակիցները 2021 թվականի մարտից չեն կարողանում նոր աշխատանքային պայմանագիր կնքել։
Լրագրողները, որոնք պատկանում են արհմիությանը, պահանջում են բարձրացնել աշխատավարձերը, իսկ ակտիվիստների մի քանի խմբեր պնդում են հեռավար աշխատելու հնարավորությունը: Սակայն հրատարակության ղեկավարությունը չի կատարում այս պահանջները։ Արհմիությունների ղեկավարների կարծիքով՝ առաջինը, ինչի վրա կարող է ազդել, թերթի թվային տարբերակն է, որը թարմացվում է իրական ժամանակում։ Սակայն մեդիա հոլդինգն արդեն հայտարարել է, որ նորություններ կգրեն այլ երկրներում The New York Times-ի գրասենյակների աշխատակիցները։
Հեղինակ՝ Դենիս Չերեդով
