Դելավերում Բայդենի տունը խուզարկվել է

Խուզարկությունն իրականացրել են արդարադատության նախարարության աշխատակիցները։ Այն տեւել է 13 ժամ։ Այս մասին խոսել է Ջո Բայդենի անձնական փաստաբանը։ Նրա խոսքով, իրենք ամբողջ ուրբաթ փաստաթղթեր էին փնտրում, մինչդեռ Բայդենը կարգադրել էր հետաքննությանը ցուցաբերել անհրաժեշտ օգնություն։ Արդյունքում՝ Բայդենի՝ Ուիլմինգթոնում գտնվող տանը հայտնաբերվել է 6 փաստաթուղթ, որոնցից մի քանիսը վերաբերում են այն ժամանակաշրջանին, երբ Բայդենը դեռ սենատոր էր։

Հիշեցնեմ, որ ԱՄՆ արդարադատության նախարարությունը հատուկ դատախազ է նշանակել, որը վերահսկում է Ջո Բայդենի գաղտնի փաստաթղթերի արտահոսքի հետաքննությունը։ Փաստաթղթերի մի մասը հայտնաբերվել է Վաշինգտոնում Փեն-Բայդենի գրասենյակում, իսկ մի մասը՝ նրա տանը: Արդարադատության նախարարությունը հատկապես մտահոգված է այն փաստով, որ Բայդենի փաստաբաններն իրենք են հայտնաբերել գրասենյակում գաղտնի փաստաթղթեր, սակայն անմիջապես չեն հայտնել այդ մասին։

Հեղինակ Դենիս Չերեդով

https://t.me/cheredov_NY