ԱՄՆ-ն Ուկրաինա կուղարկի 31 Abrams տանկ
«Աբրամս» տանկերի առաքումն Ուկրաինա կտևի «շատ ամիսներ», ասել է Սպիտակ տան Ազգային անվտանգության խորհրդի ռազմավարական հաղորդակցության համակարգող Ջոն Քիրբին։ Նա նշել է, որ Leopard տանկերը, ամենայն հավանականությամբ, համեմատաբար կարճ ժամանակում Գերմանիայից և նրա դաշնակիցներից Ուկրաինա կտեղափոխվեն, մինչդեռ ամերիկյան տանկերին ավելի երկար կպահանջվի։
«Եվրոպական դաշնակիցները, հավանաբար, այդ ժամանակ տանկեր կհանձնեն իրենց (ուկրաինական զորքերին) գարնանը և ամռանը օգնելու համար: Ամերիկյան Abrams տանկերը ավելի երկար կպահանջեն, դեռ շատ ամիսներ կպահանջվեն, մինչև դրանք տեղակայվեն»,- ասել է Քիրբին:
ԱՄՆ նախագահ Ջո Բայդենը նույնպես հայտարարել է, որ իր վարչակազմը Ուկրաինային կտրամադրի ամերիկյան արտադրության 31 M1 Abrams տանկ։ Միևնույն ժամանակ, Ուկրաինայի նախագահ Վլադիմիր Զելենսկին քաղաքացիներին ուղղված ուղերձում ասել է, որ նա խնդրել է Արևմուտքին զենքի հետագա մատակարարում ռուսական հրթիռային հարձակումների հերթական ալիքից հետո:
«Սա չարիք է, ռուսական այս ագրեսիան կարելի է և պետք է կանգնեցնել միայն արևմտյան համարժեք զենքի օգնությամբ։ Զենք մարտի դաշտում. Զենքեր, որոնք պաշտպանում են մեր երկինքը»,- ասել է Զելենսկին։
Աղբյուր՝ «House of Cards» Telegram ալիք
