ԱՄՆ-ը երբեք չի ճանաչի Ղրիմի բռնակցումը
ԱՄՆ Պետդեպարտամենտը հայտարարություն է տարածել այն մասին, թե ինչպես «ինը տարի առաջ Ռուսաստանը ներխուժեց Ուկրաինա և գրավեց Ղրիմը»։ Միացյալ Նահանգները դա համարում է միջազգային իրավունքի, Ուկրաինայի ինքնիշխանության և տարածքային ամբողջականության ակնհայտ խախտում և «ողջունում է Ուկրաինայի Ղրիմի պլատֆորմի ջանքերը՝ ուղղված համաշխարհային ուշադրությունը շարունակվող ռուսական օկուպացիայի վրա»:
«Միացյալ Նահանգները չի ճանաչում և երբեք չի ճանաչի Ռուսաստանի կողմից թերակղզու ենթադրյալ բռնակցումը, Ղրիմը Ուկրաինան է»,- ասվում է հայտարարության մեջ։
Աղբյուր՝ Telegram ալիք «US NEWS | ԱՄԵՐԻԿԱ»
