Տեխասի կանայք պայքարում են իրենց իրավունքների համար. նրանք դատական հայց են ներկայացրել նահանգի դեմ՝ հղիության արհեստական ընդհատման «բարբարոսական սահմանափակումների» պատճառով.
Հինգ կին դատի են տվել Տեխաս նահանգին այն տառապանքների համար, որոնք կրել են հղիության արհեստական ընդհատման արգելքի արդյունքում։ Նրանք ցանկանում են, որ դատարանը հստակ պարզի, թե ինչ հանգամանքներ են աբորտի օրինական պատճառ:
Հայցվորներից մեկը՝ Ամանդա Զուրավսկին, հղիացել է անպտղության դեմ տարիներ շարունակ պայքարելուց հետո։ Սակայն հղիության ընթացքում ինչ-որ բան սխալ է եղել, և բժիշկներն ասել են, որ երեխան հաստատ կենդանի չի մնա, իսկ ինքը վտանգի տակ է։ Սակայն մինչ երեխայի սիրտը բաբախում էր, իսկ ինքը՝ Ամանդան, գտնվում էր բավարար վիճակում, բժիշկները թույլ չեն տվել աբորտ անել։ Միայն այն բանից հետո, երբ կնոջ մոտ սեպսիս առաջացավ, նա վիրահատվեց, որից հետո մի քանի օր անցկացրեց վերակենդանացման բաժանմունքում։ Զուրավսկին կարծում է, որ ինքը կարող էր խուսափել ֆիզիկական և հոգեբանական տառապանքներից, եթե չլինեին իշխանությունների «բարբարոսական սահմանափակումները»։
Աղբյուր՝ Telegram ալիք «US NEWS | ԱՄԵՐԻԿԱ»
