Нью-Йорк полиция қызметкері 14 жастағы оқушы қызды ұрып-соққан
Нью-Йорк полициясының 14 жасар оқушы қызды ұрып-соққаны туралы жазба желіде тарап кеткен соң, полиция қызметкері қызметінен уақытша шеттетілді. Нью-Йорк билігінің мәліметінше, Статен-Айлендте мектеп оқушылары арасында төбелес болған. Біраз уақыттан кейін полиция жанжалды реттеуге мәжбүр болды. Жазбада төбелесті тоқтатуға тырысқан полицейлердің бірі 14 жастағы оқушы қыздың басынан бірнеше рет ұрғаны көрінеді.
Кейін белгілі болғандай, жасөспірім қыз бірінші болып полицейді қағып кеткен, мұны өзі мойындаған. Құқық қорғау органының қызметкеріне қатысты ішкі аудит жүргізілуде. Тергеу барысында ол жұмыстан шеттетілді. Нью-Йорк мэрі Эрик Адамс полиция қызметкерінің әрекетін айыптап үлгерді. Бұл оқиғаның толық жазбасын жұртшылық әлі көрген жоқ.
Авторы Денис Чередов
