Нью-Йорк мэриясы Канадаға кететін иммигранттарға билеттерге ақша бөлді
Нью-Йорк мэрі Эрик Адамс Fox News арнасына берген сұхбатында Канадаға жақсы өмір сүру үшін баруды шешкен иммигранттар үшін қала билеттеріне ақша бөлгенін айтты. Әкімнің айтуынша, көптеген иммигранттар Нью-Йоркте өздерін қауіпсіз сезінбейді. Сондықтан келушілер құқық қорғаушылар арқылы әкімдікке штаттың солтүстігіне қатынайтын автобустардың билеттерін төлеуді сұрап жүгінген. Ол жерден иммигранттар Канадаға жетуді жоспарлап отыр. Торонто билігі Нью-Йорктен кететіндердің мұндай жоспарларына қалай жауап бергені әлі хабарланған жоқ. Бұған қоса, Техастан келген иммигранттар Канада шекарасын қалай кесіп өтетіні белгісіз. Өткен жылдың сәуір айынан бері Нью-Йоркке Техас пен Аризонадан 42 мыңнан астам иммигрант келген. Қала билігі әлеуетті пана іздеушілерді баспаналарға, әлеуметтік орталықтарға және қонақүйлерге орналастырады. Алайда, ол жерде апатты орын тапшылығы бар.
Ал 3 ақпанда Эрик Адамс Бруклин круиздік терминалында орналасқан иммигранттар лагерінде түнеді (суретте). Осы арқылы әкім бұл лагерьдегі жағдайдың өмірге әбден қолайлы екенін көрсеткісі келді.
Авторы Денис Чередов
