АҚШ Украинаға 31 Абрамс танкін жібереді
«Абрамс» танктерін Украинаға жеткізу «көп айға» созылады, деді Ақ үйдің Ұлттық қауіпсіздік кеңесінің стратегиялық коммуникациялар жөніндегі үйлестірушісі Джон Кирби. Ол «Леопард» танктері Германия мен оның одақтастарынан Украинаға қысқа мерзімде жеткізілетінін, ал американдық танктер ұзағырақ уақыт алатынын атап өтті.
«Еуропалық одақтастар көктемде және жазда оларға (Украина әскерлеріне) көмектесу үшін танктерді тапсыруы мүмкін. Америкалық Abrams танктері ұзағырақ уақыт алады, олардың орнында болғанға дейін тағы бірнеше ай қажет», - деді Кирби.
АҚШ президенті Джо Байден де оның әкімшілігі Украинаға американдық өндірістен шыққан 31 M1 Abrams танкі беретінін мәлімдеді. Ал Украина президенті Владимир Зеленский азаматтарға арнаған үндеуінде Ресейдің кезекті зымырандық шабуылдарынан кейін Батыстан қосымша қару-жарақ жеткізуді сұрағанын айтты.
«Бұл зұлымдық, бұл ресейлік агрессияны тек батыстың тиісті қаруының көмегімен ғана тоқтатуға болады және тоқтату керек. Соғыс алаңындағы қарулар. Біздің аспанымызды қорғайтын қару», - деді Зеленский.
Дереккөз: «Карталар үйі» Telegram арнасы
