Ақ үй Солтүстік Атлантикалық Шарт Ұйымының құрылған күніне орай Ресейге қарсы санкциялар пакеті туралы мәлімдеме жасады.
-АҚШ ресейлік металдардың, минералдардың және химиялық өнімдердің 100-ден астам түріне шамамен $2,8 млрд сомаға баж салығын арттырады;
-АҚШ Ресей Федерациясы мен үшінші елдердің, соның ішінде Қытай мен Еуропаның 200-ден астам жеке және заңды тұлғаларына қарсы санкциялар салады;
- Сауда министрлігі Ресейдің қорғаныс саласын қолдау үшін санкцияларды жалтаруға қатысқан 90-ға жуық ресейлік және үшінші тарап компанияларын, соның ішінде Қытайды тізімге енгізіп, экспортты бақылау бойынша бірнеше шаралар қабылдайды;
-Ресейдің ондаған қаржы институттары да жаңа санкцияларға ұшырайды.
Вашингтон сонымен қатар көктемгі шабуылға дайындық ретінде Киевке тағы 2 миллиард доллар қару беретінін мәлімдеді. Оған мыналар кіреді:
▪️HIMARS үшін зымырандар;
▪️155 мм снарядтар;
▪️Дрондардың бірнеше түрі, атап айтқанда CyberLux K8, Switchblade 600, Altius-600 және Jump 20 UAS;
▪️Ұшқышсыз ұшуға қарсы техника және электронды соғыс техникасы;
▪️Лазермен басқарылатын зымыран жүйелеріне арналған оқ-дәрілер;
▪️Минадан тазартуға арналған жабдық;
▪️Оқыту мен қызмет көрсетуді қаржыландыру.
Пентагон барлық жабдықтар қоймалардан тасымалданбайтынына, өндірушілерден тапсырыс берілетініне баса назар аударды. Бұл көмекке Украина сұраған F-16 жойғыштары кірмегені бөлек атап өтілген.
Дереккөз: «Карталар үйі» Telegram арнасы