Manxettenda avtomashina restoranga borib urilib, 22 kishi jabrlandi.
Politsiya ma’lumotlariga ko‘ra, oq Audi sedani G‘arbiy 204-ko‘cha va Brodvey yaqinidagi yoqilg‘i quyish shoxobchasidan katta tezlikda chiqib ketayotib, Toyota RAV4 mashinasiga borib urilgan. Zarba kuchi mashinani piyodalar yo‘lagiga uloqtirgan, keyin RAV4 Inwood Bar and Grill restorani binosiga borib urilgan.
22 kishi, jumladan, uch bola jarohatlangan. 19 kishi Nyu-York kasalxonalariga yetkazildi. Qolganlari tibbiy yordamdan bosh tortdilar. “Toyota” haydovchisi voqea joyida qolgan”, — deyiladi politsiya xabarida. Ammo Audi haydovchisi voqea joyidan qochib ketgan.
Muallif Denis Cheredov
