Twitter-ը դադարեցրել է հաստատման նշանների վաճառքը

Ծառայությունից ստիպված են եղել հրաժարվել գնված ստուգմամբ կեղծ հաշիվների պատճառով, գրում է Reuters-ը։ Twitter Blue-ի ամսական վճարովի բաժանորդագրությունն արժե ութ դոլար և յուրաքանչյուրին հնարավորություն է տալիս գնել հաշվի հաստատման նշան: Բաժանորդագրության ակտիվացումից հետո հայտնվեցին բազմաթիվ կեղծ հաշիվներ, այդ թվում՝ խոշոր ընկերությունների՝ Tesla, SpaceX, Nestle, Lockheed Martin կեղծ հաշիվներ: Eli Lilly and Company դեղագործական ընկերությունը ստիպված է եղել ներողություն խնդրել անվճար ինսուլինի մասին կեղծ աքաունթի կողմից հրապարակված գրառման համար։ Սոցիալական ցանցի նոր սեփականատեր Իլոն Մասկը գրել է, որ բոլոր հաշիվները, որոնք ներկայացնում են մեկ այլ անձի՝ առանց հստակ նշման, որ սա «պարոդիա» է, ընդմիշտ կարգելափակվեն։

Աղբյուր՝ «Խմբագրական» Telegram ալիք

Պատկերը՝ natanaelginting-ով