Twitter tasdiqlash nishonlarini sotishni to‘xtatdi

Sotib olingan tekshiruvga ega soxta akkauntlar tufayli xizmatdan voz kechishga to‘g‘ri keldi, deb yozadi Reuters. Oylik pullik Twitter Blue obunasi sakkiz dollar turadi va har kimga hisobni tasdiqlash nishonini sotib olish imkoniyatini beradi. Obuna ishga tushgandan so‘ng ko‘plab soxta akkauntlar, jumladan, yirik kompaniyalar – Tesla, SpaceX, Nestle, Lockheed Martinning soxta akkauntlari paydo bo‘ldi. Farmatsevtika kompaniyasi Eli Lilly and Company soxta akkaunt tomonidan chop etilgan bepul insulin haqidagi post uchun uzr so'rashga majbur bo'ldi. Ijtimoiy tarmoqning yangi egasi Ilon Maskning yozishicha, bu “parodiya” ekanligi aniq ko‘rsatilmagan holda, o‘zini boshqa shaxs sifatida ko‘rsatuvchi barcha akkauntlar abadiy bloklanadi.

Manba: “Tahririyat” Telegram kanali

Natanaelginting tomonidan surat