Medvedev ABŞ-ı Mariupol və Baxmutun dağıdılmasına görə dəymiş ziyanı kompensasiya etməyə çağırıb
Rusiya Təhlükəsizlik Şurasının sədr müavini Dmitri Medvedev hesab edir ki, Ukraynanın Mariupol və Baxmutu ABŞ-ın dəstəyi ilə məhv edilib. O, Amerika hökumətini bu şəhərlərə və “bir çox başqa yerlərə” dəymiş ziyanı kompensasiya etməyə çağırıb. Bundan əlavə, Medvedev hesab edir ki, Ağ Ev də “Şimal axını”nın bombalanmasına görə dəymiş ziyanı ödəməlidir. Rusiyanın eks-prezidenti bildirib ki, bu insidentlə bağlı araşdırma hələ də davam edir, lakin ABŞ-ın arqumentləri inandırıcı deyil.
Medvedev yenidən sevimli nüvə silahı təhdidlərinə əl atdı. Onun sözlərinə görə, “Kiyevə verilən silahlar nə qədər dağıdıcı olarsa, nüvə apokalipsisi ssenarisi bir o qədər çox olar”.
Mənbə: Telegram kanalı “US NEWS | AMERİKA"
