Կոնգրեսականները Բայդենի վարչակազմին կոչ են անում արագացնել Ուկրաինային զենքի մատակարարումները
Կոնգրեսականները կարծում են, որ ԱՄՆ-ը և նրա դաշնակիցները պետք է ավելի ակտիվ զենք տրամադրեն Ուկրաինային՝ հաջող հակահարձակում ապահովելու համար։ Ընդ որում, սա ասում են և՛ հանրապետականները, և՛ դեմոկրատները։ Տեխասից հանրապետական կոնգրեսական Քիթ Սելֆը կարծում է, որ հեռահար հրետանին այժմ ավելի կարևոր է Ուկրաինայի համար, քան F-16 ինքնաթիռները։ Նա, մասնավորապես, ասել է, որ չի հասկանում, թե ինչու ԱՄՆ-ը դեռևս չի տրամադրել ATACMS բալիստիկ հրթիռներ Ուկրաինայի զինված ուժերին։ Դեմոկրատ Մադլեն Դինը կարծում է, որ Ուկրաինային պետք է տրամադրել բոլոր անհրաժեշտ զինատեսակները, սակայն պայմանով, որ այն չկիրառվի Ռուսաստանի Դաշնության տարածքում։ Միսսուրիի հանրապետական կոնգրեսական Անն Վագները կարծում է, որ Բայդենի վարչակազմը դանդաղում է Ուկրաինային ռազմական օգնություն տրամադրելու հարցում: Իսկ դեմոկրատ կոնգրեսական Ջին Կոստան ասաց, որ Կոնգրեսը պետք է ճնշում գործադրի Սպիտակ տան վրա՝ Կիևում հեռահար հրթիռներ ստեղծելու համար։
Աղբյուր՝ Telegram ալիք «US NEWS | ԱՄԵՐԻԿԱ»
