Ցուցարարներին վրաերթի ենթարկած կինը դատապարտվել է 5 ժամ հասարակական աշխատանքի
2020 թվականի դեկտեմբերին Քեթլին Կասիլոն մեքենայով վարում էր իր չափահաս դստեր հետ, երբ BLM ցուցարարները փակեցին նրանց ճանապարհը։ Կնոջ խոսքով՝ ինքը վախեցել է, խուճապի է մատնվել, ապա սեղմել գազը։ Արդյունքում մեքենան հարվածել է ցուցարարներին, ովքեր չեն հասցրել փախչել։ Բախման հետևանքով 6 մարդ ստացել է տարբեր աստիճանի մարմնական վնասվածքներ։
Մինչ այժմ վարորդը դատապարտված չի եղել. Մանհեթենի դատախազությունը (նույնը, որը փորձում է դատապարտել Թրամփին) երկու անգամ առաջարկել է համաձայնության գալ, բայց ամեն անգամ մեղադրյալը մերժել է։ Վերջին նման առաջարկը պատիժ էր՝ 6 օր հասարակական աշխատանք կատարելով և մեկ տարով մեքենա վարելու իրավունքից զրկում։ Ի վերջո, այսօր դատարանում կողմերը համաձայնության են եկել, և վարորդը դատապարտվել է 5 ժամ հասարակական աշխատանքի։ Եթե 6 ամսվա ընթացքում դատապարտյալը նոր հանցագործություններ չկատարի, ապա խուլիգանության մեղադրանքը կհանվի։
Հեղինակ՝ Իգոր Սլաբիխ
